外星人田野筆記——拍拖

事例一：
外星人向已婚男同事L宣傳字花園：「字花園好正架，喺個公園度一邊漫步，一邊睇詩，係咪好浪漫先？絕對係拍拖嘅好節目！」
L：「我結咗婚架啦喎，唔洗拍拖架啦喎。」
外星人：「咁結咗婚都要拍吓拖架嘛，得閒去拍吓拖維繫吓感情呀嘛~」
L：「咁…咁都係嘅…」

事例二：
外星人向友提議找某君幫忙一事。
友：「佢都唔喺香港。」
外星人：「咁佢遲啲會返嚟架嘛，佢去咗拍拖之嘛~」
友：「人地結咗婚架啦，唔洗拍拖架啦！」
外星人：「我知佢結咗婚，但係佢特登放低晒所有嘢飛去外國探老公喎~ 咁仲唔係拍拖？」

事例証明，很多人認為拍拖只屬結婚前需要做的事。結婚後則毋須再作此行為。外星人認為，難怪現在如此多人類決定不結婚。